QUE SÈM?
Sèm d'expèrts en biologia ARN e en concepcion e realizacion de plataformas de bioproduction de produches terapeutics.
​
Nòstra plataforma ARN utiliza de cellulas eucariòtas per produire d'ARN messatgièrs (ARNm).
Aquela tecnologia de bioproduction permetrà la produccion a granda escala d'ARNm de qualitat e aumentarà los rendements tot en redusent los còstes.
Aquel paradigma novèl per produire d'ARNm permetrà, tot en preservant la planeta gràcias a una produccion mai estalvi en ressorsa, d'ajudar a salvar los pacients atenches de càncer o de malautiás raras.
NÒSTRA TECNOLOGIA
Isolam l'ARNm terapeutic dins un jos-compartiment dins la cellula eucariòta. L'ARNm d'interès s'amolona e pòt puèi èsser tirat.
01
Banca de cellulas ("MCB")
En utilizant nòstre linhatge cellular de cellulas eucariòtas modificadas, optimizam l'expression de l'ARNm.
​
​
​
03
Procediment aval DSP
En industrializant e optimizant l'extraccion e la purificacion, atenhèm de nivèls de puretat nauts.
​
​
​
​
02
Procediment amont USP
Nòstra tecnologia permet d'amolonar l'ARNm a l'interior dels jos-partidas cellularas, en evitant sa degradacion.
​
​
​
04
Contraròtle qualitat
Cada etapa es analisada e controlada amb precision per permetre una produccion de qualitat GMP.
APLICACIONS
Los ARN messatgièrs son plan precioses per la santat umana. An ajudat a desvolopar lèu de vaccins eficaces contra la Covid-19, claus per controlar la pandemia. Mas lors aplicacions terapeuticas van plan al delà de las malautiás infecciosas.
Malautiás infecciosas
Dels vaccins a ARNm seràn desvolopats contra de malautiás tan redobtablas coma lo sida, o tan correntas coma la gripa.
Càncer
Los ARNm codant pels antigèns canceroses ajudan las cellulas immunitàrias a destruire las tumors.
Malautiás raras
Las terapias genicas a ARN permetràn de sonhar de pacients victimas de malautiás raras.